Orð eru til alls fyrst:

Efling Atvinnulífs á Suðurnesjum Víkurfréttir 2o. feb.1986

Þau fyrirtæki sem náð hafa hvað mestum ítökum á síbreytilegum heimsmarkaði viðskiptanna eru svokallaðir "auðhringir". Hvað ætli valdi því að þessir "hringir" sýni margir hverjir síaukinn hagnað ár eftir ár og eru þar ekki neinar smáupphæðir í líkingu við hin ísl. fjárlög, heldur er þar allt stjarnfræðilegt. Ýmsir góðir hálsar hafa fært okkur meðsystkinum sínum heim sanninn um að hringirnir hafi flestir hverjir óhreint mjöl í sínum sekkjum. Er þar nærtækast að nefna "Aljúsviss" sem hann Hjörleifur fletti ofan af í skammri ráðherratíð sinni, en ekki verður farið nánar út í þá sálma. Það sem helst skilur á milli þessara samsteypa og ísl smáfyrirtækja er fjölbreytnin. Sambandsfyrirtækin öll- kaupfélög, skipafélög, verkstæði, kaffivinnsla ofl ofl eru mini útgáfa auðhringja, mörg fyrirtæki undir einni yfirstjórn.

En hví skyldi ég vera að gauka að auðhringjum í grein um atvinnumál á Suðurnesjum, nema vegna þess að enn situr hjá mér ungkarlinn hálf-atvinnulausi, sá sem lék stórt hlutverk í síðustu grein undir svipuðum formerkjum.

Fréttablaðið 9. desember 2203

Bergljót:

BYRJUN Á HEIMSFRÆGÐ

  "Ég kom þessum vef, netsaga.is á fót til þess að

þeir sem hafa áhuga á að skrifa en eru af einhverjum ástæðum ekki tilbúnir til að gefa út verk sín geti birt á þessari síðu það sem hugur þeirra stendur til," segir Ólafur Þór Haraldsson (Eiríksson) sem fyrir tæpum þrjátíu árum slasaðist illa í bílslysi.

  Á vefnum munu birtast framhaldssögur, myndasögur, tónlist, smásögur, ljóð, greinar og hvað annað sem kemur til álita. Ólafur segir að fólk um allan heim sé að skrifa sögur, ljóð og greinar sem aldrei koma fyrir sjónir annarra.

Vettvangur fyrir skúffuhöfunda 

Mbl 28. nóvember 2003

Tölvur/ Birtir sögur eftir sig á heimasíðu

Bergþóra Njála:

    Á heimasíðunni netsaga.is hefur Ólafur Þór Eiríksson sett inn ógrynni ritaðs efnis eftir sjálfan sig; tvær skáldsögur, eigin reynslusögu, smásagnasafn og greinar sem hann hefur ritað og almenningur getur nú nálgast endurgjaldslaust á síðunni.

      "Ég var talsvert búinn að reyna að fá efnið mitt gefið út," segir Ólafur um tilurð heimasíðunnar. "En þótt allir útgefendur hafi hrósað sögunum og sagt þær vel skrifaðar lagði enginn í að gefa þær út. Ég átti allt þetta efni í tölvunni og þá kom sú hugmynd að athuga hvort ekki væri hægt að selja það á Netinu".

Keflavík 25. september 1992  

Til bæjarráðs Keflavíkur!-

  Ég undirritaður hef verið atvinnulaus frá síðustu áramótum, er ég lét af störfum sem Atvinnuleitarfulltrúi fatlaðra á Suðurnesjum. Á hálfu sjötta ári hafði mér tekist að finna 76 störf fyrir öryrkja á Suðurnesjum, þó einkum Keflvíkinga. En það kaldhæðnislega við þessa velgengni var að enginn vildi ráða mig sjálfan í vinnu, ekki einu sinni í hálft starf á móti því hálfa sem ég hafði hjá Svæðisstjórn Reykjaness um málefni fatlaðra.

Víkurfréttir 9. janúar 1992

Viðtalið:          

Hefur fundið milli 75 og 80 störf fyrir fatlaða!

  Starfsmanni Atvinnuleitar fatlaðra, sem starfað hefur við stofnunina frá 15. júlí 1986 hefur nú verið sagt upp störfum og hætti hann um sl. áramót. Þótti því rétt að forvitnast nánar um þessa starfsemi og taka starfsmanninn Ólaf Þór Eiríksson tali.

  Sagði hann að á Suðurnesjum teldust vera milli 3 og 400 fatlaðir, þ.e. skv gögnum Tryggingastofnunar ríkisins. Af þeim hafa 87 einstaklingar leitað á þessum tíma til atvinnumiðlunar fatlaðra sem hann veitti forstöðu og tókst að finna milli 75 og 80 störf handa þeim, en sumir hafa farið úr einu starfi í annað eða fengið vinnu um lengri eða skemmri tíma. Hafa sumir komið aftur og aftur, þar til þeir loks hafa fengið vinnu við hæfi.

Reykjanes miðvikud. 30. júlí 1986

  Ólafur Þór Eiríksson ráðinn starfsmaður

  Atvinnumiðlun og -leit fatlaðra sett á laggirnar

   Blaðamaður Reykjaness spurði hver væru tildrög þess að slík atv.miðlun væri sett á laggirnar.

    -Þetta er í raun tilraun...

    Hafa margir leitað hingað síðan þessi starfsemi tók til starfa?

VÍKUR-fréttir Fimmtudagur 30. jan. 1986

Ólafur Þór Eiríksson:

      Leiðir til að bæta atvinnuástandið

   Ég átti tal við ungkarl nokkurn, tveggja barna föður sem hefur verið meira og minna atvinnulaus síðasta hálfa annað árið, þrátt fyrir að hafa allgóða menntun að baki.

  Ástæður þessa gætu verið ýmsar, að hans eigin sögn, að atvinnulíf á Suðurnesjum,

VÍKUR-fréttir fimmtudagur 5. des. 1985

Ólafur Þór Eiríksson:

    Atvinnu-ekki forsjá

  -er þörf fyrir verndaðan vinnustað á Suðurnesjum?

  Lesandi góður, er þér kunnugt um einhverja Suðurnesjamenn sem fá hvergi launaða vinnu vegna ástæðna sem rekja megi til fötlunar eða annars? Fólk sem gjarnan vildi verða að liði í samfélaginu, eins og flestir þegnar þessa ríkis. Ef svo er skaltu skerpa skilningarvitin. Lestu þessa grein.

  Laugard. 16. nóv. sl sótti undirritaður ráðstefnu í Reykjavík.

Bæjarbót ágúst 1986

Ólafur Þór Eiríksson:

Atvinnumiðlun og atvinnuleit:

Á þriðja hundrað suðurnesjamanna á örorkubótum

  -geta fleiri fengið vinnu við hæfi?

    Atvinnumiðlun og atvinnuleit fyrir fatlaða á Suðurnesjum hóf starfsemi sína í sumar og er starfið á vegum Sambands sveitarfélaga á Suðurnesjum. Starfsmaður atvinnumiðlunarinnar er Ólafur Þ.....

VÍKUR-fréttir 1985  Jólablað

 

Ólafur Þór Eiríksson:

(í beinu framhaldi af "Atvinnu-ekki forsjá)

    "Betur má ef duga skal"

  Konan átti sér einskis ills von; hafði enda starfað vel fyrir þjóðarhag og ef til vill betur, en margur annar sem naut þó ávaxtanna í ríkari mæli; hafði unnið við næst mikilvægustu atvinnugrein þjóðarinnar á eftir fiskveiðum, sjálfa vinnsluna sem er þó hvað minnst metin í verki (launum), en mest í orðum þeirra sem njóta afraksturins. Hún hafði helgað sig uppeldi þeirra fjögurra barna sem hún hafði í þennan heim borið; ásamt með lífsförunauti sínum, trúum og traustum eiginmanni sem einnig starfaði við undirstöðuatvinnugreinina, hafði hún unnið baki brotnu til að sjá sér og sínum farborða. En þá dundi reiðarslagið yfir!

VÍKUR-fréttir 10. maí 1986

Ólafur Þór Eiríksson:

1. maí 1984

-TIL HVERS OG HANDA HVERJUM:

 Til hvers í fjáranum er verkalýðsfélagið? Er nema von að þú spyrjir þessarar spurningar nú er í öll skjól virðist hafa fokið í síðustu samningum? Hvað er verkalýðsfélagi annað en óvirk stofnun, þangað sem atvinnulausir meðlimir sækja sínar bætur vikulega? Gegnir hreyfingin sínu upphaflega hlutverki og hver var tilgangurinn með stofnun verkalýðsfélaga?

UPPHAF VERKALÝÐSFÉLAGA:

Víkurfréttir 27. apríl 1984

Ólafur þór Eiríksson:

Fiskeldi

   Lesandi góður, á ég að segja þér hvernig vér Suðurnesjamenn fáum bætt okkar lífskjör um tugi prósenta, eins og maðurinn sagði? Ég þykist vita að þú brennur ekki í skinninu eftir svarinu, þar sem fyrirsögn greinar-innar tekur af mér ómakið: -Fiskeldi!

     Mikið hefur verið rætt og ritað um þessa atvinnu-grein sem er nú orðið sveipuð miklum töfraljóma, eins og væri hún "patent"-lausn á öllum okkar vanda í efnahagsmálum. Því er ég að mörgu leyti sammála, en ekki má þar láta staðar numið og skulum við nú gefa Steingrími forsætisráðherra Hermannssyni orðið: -Nú fyrst er kominn sá grundvöllur í efnahagsmálum, að hægt sé að gera framtíðarspár og blása til framfarasóknar með áherslu á fiskeldi, lífefnaiðnað og rafeindaiðnað.

Víkurfréttir 5. apríl 1984

  Ólafur Þór Eiríksson:

Suðurnesjamenn- hristið af ykkur      slenið!

 Alveg er það makalaust þetta með Suðurnesjamenn, að þótt fast þeir sæki sjóinn sem og aðra vinnu er það sinnuleysi sýna allri opinberri umræðu um meðferðina á sjálfum sér, nokkuð sem aðeins teldist sæma mönnum sem henni Lóló úr Vör sem safnaði á sig mör og lá síðan í kör.

  Af hverju skyldi undirritaður hefja þennan greinarstúf á þessum tvíræðu orðum um sig og aðra Suðurnesjamenn? Tilefnið virðist honum augljóst. Laugardaginn 31. mars sótti hann fámennan stjórnmálafund í Stapa, auglýstan sem "alm. umræðu um efnhagsmálastefnu og árangur ríkisstjórnarinnar".

Víkur-fréttir 2. okt. 1986

Atvinnu-og vinnumiðlun fatlaðra á Suðurnesjum:

"Hefur skilað mjög góðum árangri"

-segir Ólafur Þór Eiríksson, starfsmaður SSS

 15. júlí í sumar hófst á vegum Sambands sveitarfélaga á Suðurnesjum starfsemi atvinnu-og vinnumiðlunarskrifstofu fyrir fatlaða á Suðurnesjum. Skrifstofa þessi er til húsa í húsnæði verkalýðsfélaganna í Víkinni, Hafnargötu 80 í Keflavík, og veitir Ólafur Þór Eiríksson henni forstöðu.

Bæjarbót Júní 1986

Ólafur Þór Eiríksson:

Það sem þú þarft að vita um

IÐNÞRÓUNARFÉLAG SUÐURNESJA

Í stjórnartíð Hjörleifs fyrrum iðnaðarráðherra Guttormssonar var iðnþróunarfélögum komið upp í hverjum landshluta. Tilgangur og markmið þessara félaga ætti öllum að vera ljóst, en ef svo er ekki upplýsi ég hér með að eins og nafnið gefur til kynna er það þróun (og efling) iðnaðar (skv orðabók merkir iðn iðja, starf, handiðn eða iðnaðar-) sem sagt þróun atvinnu. Forstöðumönnum þessara félaga skyldi vegna menntunar sinnar vera unnt að veita ýmsa ráðgjöf og aðstoð til handa þeim mönnum sem þegar hafa komið á fót fyrirtækjum og eins þeim er vilja fara út í atvinnurekstur.

Víkurfréttir 30. ap. 1986

  Gunnar Sveinsson kaupfélagsstjóri sem var varaþingmaður um tíma og gerði þar góða hluti, eins og hans var von og vísa. Meðal frumvarpa sem hann flutti og er hið gagnmerkasta var eitt er fjall-aði um Framkvæmdasjóð Suðurnesja.

  Á  96. löggjafarþingi Alþingis, 1974,...

Höfundur og Gunnar Sveinsson ræða málin í fimmtugsafmæli mínu 19. júní 2005.

Fjær á myndinni má sjá Fjólu hina mætu eiginkonu hans og Gunnar Jóhannsson frænda minn

og jafnaldra.

Víkur-fréttir 10. apríl 1986

Ólafur Þór Eiríksson:

ATVINNUMÁL-VERNDAÐUR VINNUSTAÐUR

Af þeim verndaða vinnustað er höf. hefur leyft sér að dreyma um (sem og margir aðrir) ber fyrst að skýra frá því, að hann er væntanlegur!

  Bæjarstjórar beggja bæjarfélaga hafa lýst yfir velvilja sínum, svo og ýmsir frammámenn, karlar og konur.

FAXI 2. tbl. 47. árg. 1987

Ólafur Þór Eiríksson: 

  Hvers vegna atvinnuleit fatlaðra?

  Atvinnuleit og -miðlun fatlaðra hófst hér á Suðurnesjum þann 15. júní 1986.

 Slík starfsemi hafði verið við lýði í Reykjavík og hafði þar sannað gildi sitt, en ekki var vitað hvernig slíkt hentaði í minni sveitarfélögum.

Víkur-fréttir 22. maí 1986

     Fiskverkendur sameinist

     eftir Ólaf Þór Eiríksson

   Mörg vandamál fiskverkenda á Suðurnesjum yrðu auðleystari, ef þeir kæmu sér saman um að reisa í sameiningu stærri og betur búin fiskvinnsluhús, en væru ekki í þeirri vonlausu baráttu að gera góða hluti í fjárvana og illa búnum fyrirtækjum.

  Hin seinni ár eftir að menn tóku að gera sér grein fyrir, að auðlindir hafsins eru ekki óþrjótandi, hafa þær raddir orðið æ háværari er krefjast þess að þær yrðu betur nýttar, þannig að meira fengist fyrir afl-ann. Að allar afurðir yrðu nýttar á sem hagkvæm-astan máta; hold, bein og slóg.

Reykjanes

 

Ólafur Þór Eiríksson:

"Vinna auðvitað betri en einvera eða stofnun"

Undirritaður sótti fyrirlestra í júní sl.

í Kennaraháskóla Íslands.

  Fyrirlesari var Dr. Lou Brown frá Bandaríkjunum; sérfræðingur í kennslu og starfsþjálfun fatlaðra.

  Margt og merkilegt kom fram í orðræðum hans sem kom mér og fleirum í opna skjöldu, m.a. hve samlandar hans virðast vera komnir langt á undan okkur í mörgu er lýtur að málefnum fatlaðra.  Hér á eftir kemur smáútdráttur úr fyrirlestrum Dr. Lous:

Víkurfréttir 28. 6. 84 Ó.Þ.E.

Ólafur Þór Eiríksson:

       Bláköld framtíð

Snjóað hafði um nóttina, en við dagrenningu hafði hitagjafa Jarðar tekist af miklum myndugleik að brjóta sér leið gegnum illrjúfandi vígi vatnsgjafans.

Víkurfréttir 10.5.84

Ólafur Þór Eiríksson:

1. maí 1984

Til hvers í fjáranum er verkalýðsfélagið?

      Er nema von að fólk spyrji þessarar spurningar nú, er í öll skjól virðist hafa fokið með síðustu samningum?

  Hvað er verkalýðsfélagið annað en óvirk stofnun, þangað sem atvinnulausir meðlimir sækja sínar bætur vikulega?

Ólafur Þór Eiríksson:

     Mitt fyrsta framlag til eflingar atvinnulífs á Suðurnesjum læt ég verða þennan greinarstúf, kannski ekki mikið, en þó vonast ég til að hann verði aðeins byrjunin á öflugri vakningu á meðal fólks hér um slóðir.

    Vandi útgerðar og vinnslu er töluverður hér, sem og á öllu Íslandi. En hvað veldur?

 fimmtud 24.3.´83      Víkurfréttir

 

  Ólafur Þór Eiríksson:  

        Atvinnuleysi á Suðurnesjum-Úrbætur

  Hver er aðalvandi atvinnulífs á Suðurnesjum?

   Að mínu mati er það lítill fjölbreytileiki í atvinnulífinu á meðal okkar sjálfra.

   Vissulega má segja að þessi staðhæfing sé ekki á rökum reist, að ég gleymi að taka inn í dæmið þá miklu atvinnubót sem tengist og hlýst af veru hulduliðsins uppi á heiðinni.