Í dag 23. janúar 2008 birtist Netverjum nýtt og enn betra útlit á hinu sífellt vinsælla veftímariti Netsaga.is, eftir þrotlausa og óeigingjarna vinnu Sigurðar Sigurðssonar og starfsfólks hans hjá Atom01, og kunna eigendur vefjarins honum (þeim) bestu þakkir fyrir.

Þar sem að Netsaga.is notast bæði við íslenskt og enskt tungumál nýtur hún vinsælda um allan heim og fjölgar löndum með hverjum degi.

Rithöfundar og skáld geta nú kæst vegna þess að Netsaga.is mun gefa þeim kost á að kynna og selja ritverk sín í rafrænu formi og án endurgjalds.

Ef höfundar munu gæta hófs í verðlagningu og fá verk sín þýdd á önnur tungumál er aldrei að vita hvaða afleiðingar það mun hafa fyrir efnahag og fjölda þeirra sem munu leggja skáldskapinn fyrir sig.

Með þessu móti mun Netsaga.is vafalaust efla áhugann fyrir íslenskri ritlist um allan heim.

Hexia.net og Landsbankinn gefa lesendum kost á að hlusta á allar sögur, ljóð og greinar á Netsögu.is.